100210 akordioa usurbilUsurbilgo Ezker Abertzaleak, Aralarrek eta EAJk hiri hondakinen gaineko agiria sinatu dute aste honetan. Testuan adierazten denez, hiru alderdiek herritarren osasuna eta ingurumena ahalik eta gehien zaintzearen aldeko apustua egiten dute. Usurbildarrek egindako lanaz harro daudela eta eta hiri hondakinen kudeaketan ohitura aldaketa sinple batek zer nolako eragina izan dezakeen aipatzen dute. Honetaz guztiaz gain, herri galdeketa egunetan bozka ematera deitu nahi izan dituzte usurbildarrak.

Talde bakoitzeko bozeramaileek sinatu dute agiria: Xabier Mikel Errekondok Ezker Abertzalearen izenean, Lontxo Zubiriak Aralarrenean eta Iñaki Illarramendik EAJren izenean. Irakurri agiri osoa www.noaua.com webgunean.

Oharra: argazki hau www.noaua.com webgunean argitaratu da.

Iruzkina gehitu

100206 aralar usurbilPasa den otsailaren 6an Aralar-ko zinegotzi  eta ordezkariak izan ziren Usurbilen. 25-30 bat lagun bertaratu ziren. Horien artean ziren Eibar, Aretxabaleta, Antzuola, Zarautz eta Orioko zinegotziak, baita Batzar Nagusietako ordezkari den Rebeka Ubera ere.

Oharra: argazki hau www.noaua.com webgunean argitaratua dago.

Iruzkina gehitu

Datorren udaberritik aurrera gastronomia- elkarteetan ere hondakinak atez ate biltzen hasiko da Oiartzungo Udala. Jada martxan diren esperientziak bertatik bertara ezagutzeko asmoz, Artaso, Girizia, Aldeguna, Ibargain, Zelai Taldea eta Iturri Berri-ko bazkideak Usurbilen izan ziren pasa den larunbatean. Usurbilgo Udaleko ordezkariak lagunduta, Andazpe gastronomia-elkarteko funtzionamendua ezagutzeko aukera izan zuten.

100130 elkarteak usurbilenEtxebizitzetan ez bezala, elkarteek bazkide mordoa izaten dute eta horien guztien koordinazio egokia behar da hondakinak atez ate txukun biltzen hasteko. Andazpe elkarteko ordezkariak esan bezala, “egia da antolaketa aldetik aldaketak egin behar direla, baina erraz egokitzeko moduko sistema da atez atekoa”. Beren kasuan, hondakin bakoitza zein frakzioren parte den azaltzen duten karteltxoak jarri dituzte kuboen alboan, eta adostutako bazkide bat arduratzen da egoki sailkatutako hondakin horiek atarira ateratzeaz. 

Oiartzungo udal teknikariak hasiak dira herriko elkarteen behar eta zalantzak jasotzen. Lokalek dituzten aukerak ezagututa eta bazkideen iritzi nahiz ikuspuntuak entzunda, Udalak elkarte bakoitzari bere beharretara ongien egokitzen den zerbitzu-proposamena egingo dio.

Iruzkina gehitu

Hernani eta Oiartzungo jubilatuak Usurbilen izan dira atez atekoa bertatik bertara ikusten. Gaur, astelehena, organikoa tokatzen zen eta zintzilikarioak kubo marroiez jantzita topatu dituzte. Kaleak garbi eta txukun, eta usainik ez.

100104 erretiratuak bisita1

Goizeko 9:30etan Xabier Mikel Errekondo Usurbilgo alkateak egin die agurra. Atez atekoarekin lortu dituzten emaitzen berri eman ostean, usurbildarrek ere zalantza asko zituzten fasea pasa dutela, eta Hernaniko eta Oiartzungo bizilagunak ere atez atekora erraz asko moldatuko direla esan du.

Ondoren kalez kale ibili dira erretiratuak kuboak eta zintzilikarioak ikusten. Larrialdi gunea eta garbigunea ere bisitatu dituzte. Goiza ederra izan arren hotza ere atzean geratzen ez zenez, 11ak alderako bulegoan sartu dira, babes bila. Han hamaiketako txiki bat zuten zain. 

  Gehiago irakurri

Iruzkina gehitu

Atez atekoaren bisitan,usurbil.jpgLehengo astelehenean Eusko Jaurlaritzako ingurumenaren kalitaterako arduraduna eta ingurumen teknikaria izan ziren Usurbilen atez atekoaren funtzionamendua gertutik ezagutzen.

Ostegunean Donostiako Alternatiba alderdiko kideen txanda izan zen, Duñike Agirrezabala buru zutela.

Iruzkina gehitu

Usurbildarrak atez atekoaz

Usurbilgo Udalak eta Aztiker-ek herritarren artean egindako inkestaren emaitzak aurkeztu dituzte. Inkesta honetan atez atekoa baloratu dute eta hurrengoak dira emaitzak.

elkdigitalaBanner186-221x300

Usurbildarren %68,4 atez atekoaren alde daude eta %76,8 ondo edo oso ondo moldatu da hondakinen bilketarako sistema honetara.

Atez atekoa martxan jarri aurretik jasotako emaitzak oraingoekin konparatuz, Usurbilgo Udalak arrakastatsutzat jo du esperientzia. Orain zortzi hilabete, atez atekoa martxan jarri aurretik, herritarren %36,8a zegoen bilketa sistema honen alde. Aurreko galdeketan dudan zeudenen %63,8 eta aurkakoen %26,5 atez atekoaren alde azaldu dira azken inkesta honetan.

Hemen dituzue Berrian, DVn, ADNn eta ABCn emaitza hauen inguruan argitaratu diren albisteak.

Iruzkina gehitu

2009ko martxoan Usurbilen atez ateko bilketa abian jarri zenetik, batez beste, etxeko hondakinen %82,33 birziklatzen da; iaz, garai berean, %28,43 birziklatu zuten. Emaitza hauek ikusita, Gipuzkoako beste udalerri batzuk hondakinen kudeaketarako sistema hau abian jartzeko asmoa agertu dute. Gure eskualdeari dagokionez, Oiartzungo Udalak Usurbilek emandako pausoak jarraitu nahi dituela adierazi du.

komertzio txikia

Oiartzungo Udalak eta Tokiko Agenda 21en Aholku Kontseiluak hondakinen kudeaketa sistema ezberdinak aztertzea adostu zuten iazko bilera batean. Aukerak aztertu ostean, urriaren 8an, Udala Tokiko Agenda 21en Aholku Kontseiluarekin bildu zen atez ateko hondakinen bilketa azaldu eta beren egitasmoak ezagutarazteko.

Proiektuari ekin aurretik, Oiartzungo Udaleko alkate, zinegotzi, teknikari eta Tokiko Agenda 21en Aholku Kontseiluko zenbait kide Usurbilgo atez ateko bilketaren funtzionamendua bertatik bertara ezagutzen izan ziren pasa den urriaren 15ean. Gerturatutakoek bilketa prozesuaren nondik norakoak eta herritarren beraien esperientziak ezagutzeko parada izan zuten. Biltzaileek hondakin organikoak nola jasotzen zituzten ikusita, larrialdi gunea, garbigunea eta atez ateko bilketarako herritarren zerbitzura jarri den informazio bulegoa ere ezagutu zituzten.

bilketa organikoa2

Bisitaren ostean Oiartzungo alkateak adierazi zuenez, Usurbilgo esperientziak hondakinen atez ateko gaikako bilketa aurrera eraman litekeen proiektua dela erakusten du. Oiartzunen abian jartzear den ekimenak ñabardurak izango dituela ahaztu gabe, atez ateko hondakinen bilketan herritarren parte-hartzea funtsezkoa izango dela azpimarratu zuen.

2 iruzkin

Usurbilera bixita

Usurbilera egindako bixitaren bideoa hitzaren eskutik

Iruzkina gehitu

2.orrialdea« Aurrekoa12