Bihar, larunbata, eguerdian haur eta gaztetxoek erraustegiaren kontrako eta osasunaren aldeko prentsaurrekoa emango dute Zubietan. Batez ere gure haur eta gazteek jasan beharko dituzte etorkizunean erraustegiaren kalteak eta eurek hartuko dute hitza.

EGITARAUA, 11:00etatik aurrera:
- Murala margotzea
- Haur eta gaztetxoen prentsaurrekoa
- Hamaiketakoa
Gonbidatuta zaudete, zatozte!!

Iruzkina gehitu

Ergoienen ere elkartu gara

Atzo Ergoiengo Auzokalte elkartean elkartu ginen.

 091118 ergoiengo bileraOrain arteko auzoetan bezala, Udalak bere proposamena aurkeztu zuen eta gerturatutakoek interesa azaldu zuten egungo hondakinen gestioaren eta atez ateko bilketaren arteko konparaketa ekonomikoan. Esan zenez, atez atekoan bilketa egun baino garestiagoa da, baina badira bestelako ekarpenak ere. Hala nola, alde batetik, zabortegira eramaten ditugun hondakinen transferentzia eta tratamendu tasa nabarmen jaitsiko da (askoz gutxiago eramango baitugu bertara). Bestalde, atez atekoan hondakinen bilketaren konpetentzia Udalarena izango denez (egun San Markosek kudeatzen du), papera-kartoia eta ontzi arinen salmentatik dirua jasoko du Udalak. Beraz, atez ateko bilketak ez du zertan egungo kudeaketa  sistemak baino garestiagoa izan.

Gehiago irakurri

Iruzkina gehitu

Atzo Gurutzen bildu ginen

Atzo, Bizardia elkartean, gurutzetarren txanda izan zen.

091117 gurutzeko bilera

Atez ateko bilketaren funtzionamendua esplikatzerakoan, jendeak bere dudak azaldu zituen 5. kontenedorearen inguruan. Gaur egungo sistemari 5. kontenedorea (organikoa selektiboki biltzeko erabiltzen dena) eta kontrol gehiago aplikatuz gero, atez atekoa beharrezkoa ez dela planteatu zen. Hala ere, Udalaren hitzetan, kontuan izan behar dira honek dakartzan zailtasunak.

 

  Gehiago irakurri

Iruzkina gehitu

Udalak, pleno aretoan, bere proposamena azaldu die elizaldetarrei auzotarrek egindako ekarpenak ere jasoz.

091116 elizaldeko bilera

Egungo egoeraren arazoak eta honi irtenbidea emateko irtenbiderik osasungarriena atez ateko bilketa dela azalduta, udal ordezkariek eta informazio bulegoko teknikariek udalaren proposamena aurkeztu eta arrazoitu zuten. Bilketa gauez eta hondakinak pertxetan zintzilikatuta egitea proposatu zen. Frakzioei dagokionez, organikoa astean hirutan, ontziak bitan eta errefusa nahiz papera-kartoia astean behin jasotzea egokia izango litzatekeela esan zuten.

Gehiago irakurri

Iruzkina gehitu

Udalak, San Markoseko Mankomunitateko ordezkariekin batera, atez ateko hondakinen gaikako bilketa aurkeztu die herritarrei udaletxeko pleno aretoan izan den 1. osoko batzarrean.091111 1. osoko batzarra

 Oiartzungo udalak atez ateko hondakinen bilketaren aldeko apustua egin du, hori delako egungo hondakinen kudeaketa sistemak dakartzan osasun, ingurugiro, ekonomia eta lege arazoak konpotzeko irtenbiderik egokiena.

 

 

Gehiago irakurri

Iruzkina gehitu

Greenpeacen webgunean erraustegi baten oinarrizko funtzionamendua modu grafikoan azalduta. 

Iruzkina gehitu

Egungo zaborren gestio eta tratamendu sistemak dituen osasun, ingurumen, ekonomia eta lege arazoen aurrean atez ateko hondakinen bilketa da konponbiderik egokiena. 

Gaur egungo zaborren bilketa eta tratamendu sistema ez da jasangarria. Kutsatze-indize altuak ditu, gastu ekonomikoa gero eta handiagoa da eta estatuko zein Europako zaborren gaineko lege eta direktibetan esaten dena ez du betetzen. Honen aurrean, Oiartzungo Udalak, Tokiko Agenda 21en Aholku kontseiluarekin adostuta, egoeraren diagnostikoa eta alternatiba ezberdinen bideragarritasuna (tekniko nahiz ekonomikoa) aztertu du. Bertatik ondorioztatu denez,  jasangarria izanik herriaren beharretara ongien egokitzen den sistema atez ateko gaikako hondakinen bilketa da eta Mendi eta Ingurumen Komisioak aho batez onartua du Oiartzungo gaikako bilketaren proiektua azaltzen duen hasierako txostena. 

Atez ateko hondakinen bilketaren lehen fasea datorren azaroaren 11an jarriko da martxan. Eztabaidatze eta erabakitze prozesua abiatuko da auzoz auzo, jatetxe eta tabernekin, komertzioekin eta landa eremuko bizilagunekin egingo diren bilerekin. Bilkura hauetan herritarren zalantza eta ekarpenak jasoko ditu Udalak eta, honen guztiaren arabera, Oiartzungo bilketa sistema definituko duten erabakiak hartuko dira. 

Alkateak, hirigintza zinegotziak eta atez ateko bilketaren arduradunak azaldu bezala, herritarren partehartzea ezinbestekoa da prozesu osoan zehar. Oiartzuarrek informazioa eskura izan behar dute eta beren beharretara egokituko den bilketa modu bat diseinatu behar da. Gauzak horrela, Udalak ahal dituen baliabide guztiak jarriko ditu herritarrengana iristeko eta eztabaidatze eta erabakitze prozesuko bileretan partehartzeko deia luzatu die bertaratzeko aukera izango duten guztiei. Honen guztiaren harira esan, informazio bulegoa jada irekita dagoela bertara gerturatu nahi duten guztientzat.

Prentsaurrekoaren bideoa: http://euskaltube.com/play.php?vid=5088

 

Iruzkina gehitu

2009ko martxoan Usurbilen atez ateko bilketa abian jarri zenetik, batez beste, etxeko hondakinen %82,33 birziklatzen da; iaz, garai berean, %28,43 birziklatu zuten. Emaitza hauek ikusita, Gipuzkoako beste udalerri batzuk hondakinen kudeaketarako sistema hau abian jartzeko asmoa agertu dute. Gure eskualdeari dagokionez, Oiartzungo Udalak Usurbilek emandako pausoak jarraitu nahi dituela adierazi du.

komertzio txikia

Oiartzungo Udalak eta Tokiko Agenda 21en Aholku Kontseiluak hondakinen kudeaketa sistema ezberdinak aztertzea adostu zuten iazko bilera batean. Aukerak aztertu ostean, urriaren 8an, Udala Tokiko Agenda 21en Aholku Kontseiluarekin bildu zen atez ateko hondakinen bilketa azaldu eta beren egitasmoak ezagutarazteko.

Proiektuari ekin aurretik, Oiartzungo Udaleko alkate, zinegotzi, teknikari eta Tokiko Agenda 21en Aholku Kontseiluko zenbait kide Usurbilgo atez ateko bilketaren funtzionamendua bertatik bertara ezagutzen izan ziren pasa den urriaren 15ean. Gerturatutakoek bilketa prozesuaren nondik norakoak eta herritarren beraien esperientziak ezagutzeko parada izan zuten. Biltzaileek hondakin organikoak nola jasotzen zituzten ikusita, larrialdi gunea, garbigunea eta atez ateko bilketarako herritarren zerbitzura jarri den informazio bulegoa ere ezagutu zituzten.

bilketa organikoa2

Bisitaren ostean Oiartzungo alkateak adierazi zuenez, Usurbilgo esperientziak hondakinen atez ateko gaikako bilketa aurrera eraman litekeen proiektua dela erakusten du. Oiartzunen abian jartzear den ekimenak ñabardurak izango dituela ahaztu gabe, atez ateko hondakinen bilketan herritarren parte-hartzea funtsezkoa izango dela azpimarratu zuen.

2 iruzkin