Gurutzeren ezaugarriak ikusita, bizilagunek atez ate noraino bilduko den galdetu ziguten. Hotelaren parean dagoen biribilguneraino edo Arkaleko bidean gora abiatuta dagoen frontoia pasa osteko etxebizitzaraino hel litezke biltzaileak atez ate biltzera. Gainontzeko auzotarrentzat, aportazio guneak aurreikusten dira. Ez da ekonomikoki bideragarria Oiartzun guztiko etxeetan hondakinak atez ate biltzea eta aportazio guneak dira honi irtenbidea emateko alternatiba.

091210 gurutzeko bilera

Aportazio guneak ez dira denen eskura dauden lekuetan kokatuko, arazotsua izan bailiteke. Aparkalekuetan, gune urbanoan… jartzea lortu behar da eta ez Usategietako sarrera bezalako toki anonimo eta isolatuetan. Etxola itxiak izango dira eta gune bat erabiltzen duten herritar guztiek giltza berdina izango dute bertan sartzeko eta beren hondakinak aportazio guneetan egongo diren 4 kontenedoreetan uzteko.

Egia da hainbat oiartzuarrek ez dutela beren hondarrak etxe atarian uzteko aukerarik izango eta, beraz, deserosutasun gehiago izango dituztela hondakinak ateratzeko garaian. Horregatik, herritar hauei bestelako erraztasunak eskaintze aldera, aportazio guneek ez dute ordutegi eta frakzioentzako maiztasun-egutegi definiturik izango.

Iruzkina gehitu

Aurpegi berri asko

Asteazkenean hasi genuen eztabaida eta erabakitze prozesuko auzoz auzoko bileren 2. erronda. Elizaldetarren txanda izan zen udaletxeko pleno aretoan. Elkartu ginetatik batzuk ez ziren 1. bileran izan eta ez da seinale txarra, horrek herritar gehiagori informazio zuzena helarazteko eta ekarpen gehiago jasotzeko aukera izaten ari garela esan nahi baitu.

091213 bilera elizalde

Talde lanetik ateratako ondorioen arabera, auzotarrek papera/kartoia eta ontzi arinentzako poltsa estandar batzuk edo eskatu dituzte txukuntasuna eta erosotasuna argudiatuz. Jakitun dira honek dakartzan kostuez, baina proposamen egokia dela uste dute. Gauzak horrela, udalak aztertuko ditu horretarako aukerak.

Zintzilikailuen bidezko bilketa sistema eta emergentzi guneen funtzioa begi onez ikusi badira ere, izan da ekarpenik. Pertxen eta emergentzi guneen arrakasta, hein handi batean, kokapenaren baitan dago. Pertxei dagokionean, etxeko ataritik ahalik eta gertuen eta biltzaileentzako leku erosoan jarri behar dira. Bi faktore horien arteko oreka topatu behar da. Portaletik zenbat eta urrunago eduki gantxoa, orduan eta inpertsonalagoa izango da eta horrek arazoak sor diezazkiguke.

091209 bilera elizalde2

Emergentzi guneak, aldiz, eskura ez ditugun tokietan egon behar lukete. Izan ere, horixe bera da beren funtzioa, emergentzi kasuetarako izatea. Bileren 1. errondan irekita edo itxita egon beharko luketen eztabaidatu da. Elizaldeko bizilagunek irekita egotearen aldeko jarrera azaldu dute. Egoera okertzen hasiz gero, izango da denbora ixteko.

Argi dago gauzak ondo egiten badakigula eta konfiantzaz ekin behar zaio erronkari. Denok eta denon artean egin behar dugu aurrera.

Iruzkina gehitu

5. kontenedoretik haratago

Atzo ilunabarrean Altzibarko elizan elkartu ginen auzoz auzoko bileren 1. txandako azken batzarrean.

091130 altzibarko bilera

Bertara gerturatu zirenetako batzuek Oiartzunen 5. kontenedorea jartzeko aukerak aztertu ote diren galdegin zien udal ordezkariei. Udaleko teknikariak azaldu bezala, bai, aztertu da herrian 5. kontenedorea jartzeko aukera. Sistema honekin, ordea, ez dira atez atekoarekin lortzen diren birziklatze mailak lortzen.

%80ko birziklatze maila gainditzeko aukera emateaz gainera, atez atekoa 5. kontenedorea baino errentagarriagoa izan daiteke. Zabortegira joango den hondakin kopuruan dago gakoa. Zenbat eta birziklatze maila altuagoa lortu, orduan eta hondakin gutxiago eramango dugu zabortegira eta, beraz, baxuagoa izango da hondakin horien tratamendu tasa.

Gehiago irakurri

2 iruzkin

Ostiral ilunab091127 landa eremuko bileraarrean landa eremuko bizilagunekin elkartu ginen udaletxeko pleno aretoan. Atez atekoaren nondik norako orokorrak azalduta, bilketa sistema honek beren beharretara egokitzeko izango dituen baliabideez aritu ginen.

Autokonposta da atez ateko bilketaren zutabe nagusietako bat eta garrantzi berezia du landa eremuko etxebizitzetan (baita gune urbanoko etxe-bakarretan ere) . Izan ere, materia organikoa sortzen den lekuan bertan tratatzea da egokiena eta landa eremuko bizilagunek beren zelai, lorategi edo gune berdeak erabil ditzakete autokonpostarako.

Konposta etxean bertan erraz egin daiteke. Lorategian edo gune berdean dugun konposta kajara sukaldatutako edo sukaldatu gabeko edozein motatako materia organikoa bota genezake: barazkiak, haragia, arraina… Gakoa materia lehor eta hezearen arteko orekan dago. Kajara botatzen dugun materia organikoa hezea da eta txirbila, lastoa, poda… bezalako materia lehorrekin konpentsatu behar da. Erraz lor daiteke ongarri gisa erabil daitekeen kalitate oneko konposta.

Beren materia organikoa etxean bertan konpostatzen duten bizilagunek hobaria izango dute zaborren tasan. Izan ere, udalak ez du beren hondakin organikoak bildu eta tratatu beharrik izango.

Gehiago irakurri

Iruzkina gehitu

Hondakinen arazoa denona da

Atzo ilunabarreko 19:30tan Arraguako elizan elkartu ginen. Gerturatu ziren bizilagunak urduri eta kezkatuta azaldu ziren. Atez atekoaren funtzionamendua egokia eta eraginkorra izango ote den galdetu zuten.

Azaldu zen bezala, egungo hondakinen kudeaketa sistemak goia jo du eta irtenbidea eman behar diogu zaborrak janda geratu nahi ez badugu. Arazo sozial eta ekonomikoa da, ez da arazo politikoa.

Gakoa guztion kontzientziazioan dago.091126 arraguako elizako bilera Birziklatzea da gaur egungo egoerari buelta emateko aukera bakarra eta ohitura aldaketa txiki batekin, lor dezakegu. Atez atekoa da horretarako egun dugun sistemarik onena. Egiaz kontzientziatuta bagaude, birziklatzeko erabiltzen dugun sistema tramite hutsa izango da eta atez atekoa martxan jartzean sortuko zaizkigun arazo txikiak denon artean konponduko ditugu. 

Gainera, atez atekoa ekonomikoki bideragarria den sistema da. Egungo hondakinen kudeaketa eta errauskailua bezalako tratamendu finalistak gero eta garestiagoak izango dira. Atez atekoarekin gastuak mantendu edo gutxitu egingo dira, ordea. Horregatik, arrazoi ekonomikoak ere direla medio, inguruko udalerri asko ari dira sistema hau aztertzen. Hala nola, Lezo, Pasaia, Donostia, Debabarrenako Mankomunitatea…

Iruzkina gehitu

Asteazken ilunabarrean Arraguako Aldeguna elkartean bildu ginen. Beste hainbat gairen artean, egungo kontenedoreez eta udaberritik aurrera erabiliko ditugun kubo eta poltsez hitz egin zen.

091125 aldegunako bilera

Udal ordezkariek azaldu bezala, beira birziklatzeko erabiltzen dugun iglu berdea da herriko kaleetan geratuko den bakarra. Edukiontzi grisa, urdina eta horia desagertu egingo dira. Bizilagunek erabaki hau zergatik hartu den galdetu zuten. Hau da, iglu berdea mantendu egingo badugu, zergatik ez dugu gauza bera egingo kontenedore urdin eta horiarekin?

 

Gehiago irakurri

Iruzkina gehitu

Atez ateko bilketak kaleko kontenedoreak nahiz zabortegi eta erraustegi toxikoak ekidin ditzake. Hala dio consumer-en webguneak.

Iruzkina gehitu

Atzo jatetxe, taberna (goizean) eta komertzioekin (arratsaldean) bilerak izan ziren udaletxeko pleno aretoan.

091120 jatetxeekin bilera

Egungo egoerak ekarri eta ekarriko dizkigun osasun, ingurumen, ekonomia nahiz lege arazoei irtenbidea emateko sistemarik onena atez atekoa dela azalduta, udalak beren beharretara egokitzen den zerbitzua eman nahi diela adierazi zien ostalari eta merkatariei; gaur egun gertatzen ez den bezala. 

Arrazoi horregatik, ezinbestekoa da Oiartzungo Udalak komertzio, jatetxe nahiz taberna bakoitzaren beharrak zein diren ezagutzea eta datorren urtea trantsizio epe bat izatea proposatu zen. 2010a etorkizunean hartuko diren erabakiak oinarritzeko eta berauek zuzenak izateko denbora tarte moduan planteatzen da, hain zuzen ere.

 

Gehiago irakurri

Iruzkina gehitu