Maiatzaren 9a: Hernanin hondakinak atez ate biltzen hasteko eguna

Gaur Marian Beitialarrangoitia Hernaniko alkateak prentsaurrekoz jakinarazi duenez, Hernaniko Udala datorren maiatzaren 9an hasiko da hondakinak atez ate jasotzen.

100212 hernani data

Lehengo uztailan erabaki zuten atez atekoa martxan jartzea eta orduz geroztik atez ateko sistema ezagutarazten eta herritarrekin batera Hernaniko errealitatera doitzen aritu dira. Gaurtik maiatzaren 9ra ere horretan jarraituko dute eta “egun horretarako dena prest izango dugu”.

Hernaniko alkateak azaldu duenez, “atez ateko bilketak ondo funtzionatzen duelako hasiko gara Hernanin hondakinak modu horretan biltzen. Demostratatuta dago, datuak hor daude. Hazkundearen mugak, berotegi efektua eta gure osasuna kontutan hartuta ari gara lanean, ez baitugu beste alde batera begira aritu”.

Bide batez, atzo Xabier Mikel Errekondo Usurbilgo alkateak Gipuzkoako Diputazioari eskatutako moratoriari babesa eman dio. “Bat egiten dugu moratoria eskakizun horrekin. Gipuzkoak aukera hori merezi du eta atez atekoak ere bai”.

Etiketa(k): , , , , ,
Saila(k): Berriak

0 iruzkin oraingoz

iruzkina gehitu

  1. Konektatu